Quotes New

Audio

Forum

Read

Books


Write

Sign In

We will fetch book names as per the search key...

କାତିକେଲା (Katikela)

★★★★★

AUTHOR :
ଶୁଭ ନାରାୟଣ ସ୍ଵାଇଁ (Shubha Narayana Swain)
PUBLISHER :
StoryMirror Infotech Pvt. Ltd.
ISBN :
978-93-91116-17-0
PAGES :
116
PAPERBACK
₹170

About The Book


କବିତାରେ ଗାଁ ମାଟି, ଜହ୍ନ ରାତି ଏବଂ ଜୀବନ ଓ ଜୀବିକାର କଥା କହୁଥିବା ଶୁଭ ନାରାୟଣ ସ୍ଵାଇଁ ଉପନ୍ୟାସରେ କୁହନ୍ତି ନିଜେ ଭେଟିଥିବା କିଛି ଘଟଣା ବହୁଳ ଜୀବନର କଥା । ତାଙ୍କ ଉପନ୍ୟାସରେ ଯେତିକି ପଢି ହୁଏ ଗୋଟିଏ ନାରୀ ମନର ଅବ୍ୟକ୍ତ ଦୁଃଖ ଓ ଯନ୍ତ୍ରଣାକୁ, ଠିକ୍ ସେତିକି ପଢିହୁଏ କୁଆଁରୀ କଥାକୁ । ତାଙ୍କ ଉପନ୍ୟାସରେ ଯେତିକି ପଢିହୁଏ ବିସ୍ଥାପିତ ମଣିଷର ଆଖିର ଲୁହକୁ, ଠିକ୍ ସେତିକି ପଢିହୁଏ ବିସ୍ଥାପିତ ପାଲଟି ପାରିନଥିବା ଅଥଚ ବିସ୍ଥାପିତ ପାଲଟିବାକୁ ଚାହୁଁଥିବା ମଣିଷର ଛାତି ତଳର କୋହକୁ । ତାଙ୍କ କାହାଣୀ ଗପ ପରି ନୁହେଁ ସତ ପରି ମନେ ହୁଏ । ଏ ସମ୍ପର୍କରେ ତାଙ୍କୁ ପଚାରିଲେ, ସେ କୁହନ୍ତି ସତ ପରି ଲାଗୁଥିବା ସବୁକଥା ସତ ନୁହେଁ କି ମିଛ ପରି ଲାଗୁଥିବା ସବୁ କଥା ମିଛ ନୁହଁ । ତାଆ ମାନେ ତାଆ ଭିତରେ କିଛି ଗୋଟିଏ ସସପେନସ୍ ଅଛି ନିଶ୍ଚୟ ।

କାତିକେଲା କାହାଣୀଟି ବି ଠିକ୍ ସେହିପରି । ଅଚାନକ୍ ଆରମ୍ଭ ହୋଇଛି କାହାଣୀଟି । ଆରମ୍ଭରେ ରୋମାନ୍ସ, ତାଆ ପରେ ସସପେନସ୍, ତାଆ ପରେ କାତିକେଲା ଗାଁ, ଆସ୍ ପଣ୍ଡ ବ୍ଳାଷ୍ଟ ଏବଂ ଅନ୍ଧାର ରାତିରେ ଭୟ । ଏବଂ ତାଆ ପରେ... ପଢିଲେ ଜାଣିବେ । ଆଶା କରୁଛି, ଅନେକ ମାଇଲ୍ ଖୁଣ୍ଟ ଅତିକ୍ରମି ସାରିଥିବା କବି ଓ ଔପନ୍ୟାସିକ ଶୁଭ ନାରାୟଣ ସ୍ଵାଇଁଙ୍କ ଏ ଉପନ୍ୟାସଟି ପାଠକମାନଙ୍କ ହୃଦୟକୁ କିଣିନେବ ତଥା ପାଠକୀୟ ଆଦରଲାଭ କରିବ ।


About The Author


ଶୁଭ ନାରାୟଣ ସ୍ୱାଇଁ, ଓଡ଼ିଆ କବିତା ଓ ଉପନ୍ୟାସର ଅନ୍ୟତମ ନିଦା ପ୍ରତିଶ୍ରୁତି । ସମୟକୁ ଆପଣା ଆଖିରେ ଦେଖିବା ଓ ଦେଖାଇବାର ପ୍ରଚେଷ୍ଟା ତାଙ୍କ କବିତା ଓ ଉପନ୍ୟାସରେ ସ୍ପଷ୍ଟ ।


ଛଅଟି କବିତା ସଙ୍କଳନ, ଦୁଇଟି ଅନୁବାଦ, ଗୋଟିଏ ଆଲୋଚନା ଓ ଗୋଟିଏ ଉପନ୍ୟାସ ତାଙ୍କର ଆଗରୁ ପ୍ରକାଶ ପାଇ ପାଠକୀୟ ଆଦୃତି ଲାଭ କରିଛି ।ପୁସ୍ତକ ହିସାବରେ 'କାତିକେଲା' ତାଙ୍କର ଏକାଦଶତମ ପୁସ୍ତକ ଓ ଉପନ୍ୟାସ ହିସାବରେ ଏହା ତାଙ୍କର ଦ୍ଵିତୀୟ ଉପନ୍ୟାସ । ଏ ଉପନ୍ୟାସରେ ଅଛି ସମ୍ପୂର୍ଣ୍ଣ ପଶ୍ଚିମ ଓଡ଼ିଶାକୁ ହଲେଇ ଦେଲା ଭଳି ରହସ୍ୟ ଓ ଚାଞ୍ଚଲ୍ୟକର ତଥ୍ୟ ।





ADD TO CART
 Added to cart