ଉଷାର ଆଲୋକ (Ushar Alok)
About the Book:
"ଉଷାର ଆଲୋକ" ସଙ୍କଳନ କବୟତ୍ରୀଙ୍କ ଜୀବନର ଏକ ଅନନ୍ୟ କୃତି । କବୟତ୍ରୀଙ୍କ କବିତା ଲେଖିବାର ଭାବଧାରା ଉଷାର ଆଲୋକରେ ଶୁଭ ବ୍ରାହ୍ମ ମୁହୂର୍ତ୍ତରେ ପ୍ରାରମ୍ଭ ହେଇ ଧୀରେ ଧୀରେ ଅଗ୍ରଗାମୀ ହୋଇଛି । ଇଶ୍ୱରଙ୍କ ଆଶୀର୍ବାଦରୁ ସଙ୍କଳନରେ ଥିବା କବିତା ଗୁଡ଼ିକ ଅତ୍ୟନ୍ତ ହୃଦୟସ୍ପର୍ଶୀ ଓ ମନର ସୂକ୍ଷ୍ମାତିସୂକ୍ଷ୍ମ ଭାବଧାରାର ପରିପ୍ରକାଶ ହୋଇଛି, ଯାହାକି ପାଠକଙ୍କ ହୃଦୟରେ ମୁହୂର୍ତ୍ତକ ପାଇଁ ହେଲେ ମଧ୍ୟ ଭାବାବେଗ ସୃଷ୍ଟି କରିବା ପାଇଁ ବାଧ୍ୟ କରିପାରିବ ନିଶ୍ଚିତ ଭାବରେ । କବୟତ୍ରୀ ଶ୍ରୀମତୀ ପ୍ରଣତି ପଣ୍ଡା ଆହୁରି ଅନେକ ପୁସ୍ତକ ରଚନା କରି ଓଡ଼ିଆ ଭାଷା ସାହିତ୍ୟକୁ ସମୃଦ୍ଧ କରାନ୍ତୁ, ଏହାହିଁ ମଙ୍ଗଳମୟ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା ।
About the Author:
କବୟିତ୍ରୀ ଶ୍ରୀମତୀ ପ୍ରଣତି ପଣ୍ଡା ଏକାଧାରରେ ଜଣେ କବି, ସୁଗୃହିଣୀ, ମାନବ ଓ ଜୀବପ୍ରେମୀ, ପରୋପକାରିଣୀ, ଉଦାରବାଦୀ, ଧାର୍ମିକା ମହିଳା ଅଟନ୍ତି । ସ୍ୱର୍ଗୀୟ ବାଞ୍ଛାନିଧି ମହାପାତ୍ର ଓ ବିଶିଷ୍ଟ କବୟତ୍ରୀ ସ୍ୱର୍ଗୀୟା ଶକୁନ୍ତଳା ମହାପାତ୍ରଙ୍କ କନିଷ୍ଠା କନ୍ୟା ରୂପେ ସେ କଟକରେ ଜନ୍ମ ଗ୍ରହଣ କରିଥିଲେ । କବୟତ୍ରୀ ପ୍ରଣତି ପଣ୍ଡା ତେଣୁ କାବ୍ୟିକ ପରିବେଶ ଭିତରେ ତାଙ୍କର ଉନ୍ମେଷ ଓ ବିକାଶ ସାଧିତ ହୋଇଛି । ବାସ୍ତବରେ ତାଙ୍କ ଜୀବନକୁ ସେ କାବ୍ୟମୟ କରି ଗଢ଼ି ତୋଳିଛନ୍ତି ଯାହା ତାଙ୍କ କବିତାଗୁଡିକୁ ଅନୁଶୀଳନ ଓ ଅଧ୍ୟୟନ କଲେ ସ୍ପଷ୍ଟ ଅନୁମିତ ହୁଏ । ତାଙ୍କର କବିତା ଗୁଡ଼ିକ ସମୟକ୍ରମେ ବିଭିନ୍ନ ପତ୍ର ପତ୍ରିକାରେ ପ୍ରକାଶ ପାଇ ପାଠକ ମହଲରେ ଲୋକଆଦୃତ ହୋଇପାରିଛି । ଓଡ଼ିଶାର ଶିକ୍ଷାମନ୍ତ୍ରୀ ସମେତ ଅନେକ ସାହିତ୍ୟିକ ଅନୁଷ୍ଠାନ ତରଫରୁ "ପ୍ରତିଭା ସମ୍ମାନ"ରେ ସମ୍ମାନିତା ହେବା ସହ ଷ୍ଟୋରୀମିରର୍ ତରଫରୁ ମଧ୍ୟ ତାଙ୍କର ଅନୁପମ ସୃଜନୀ ପାଇଁ ସମ୍ମାନିତ କରାଯାଇଛି ।
