About the book:

କବିତା ଲେଖିବା ,ପିଲା ବେଳରୁ ମୋର ନଶା ଥିଲା । ଦୂରଦର୍ଶନରେ ଜଣେ କାର୍ଯକ୍ରମ ପ୍ରସ୍ତୁତକର୍ତ୍ତା ଭାବରେ ଯୋଗ ଦେବାପରେ ଗୀତିକବତିା ଲେଖିବା ପାଇଁ ମୋତେ ମିଳିଥିଲା ପର୍ଯ୍ୟାପ୍ତ ସୁଯୋଗ ।ଆଉ ଦୂରଦର୍ଶନରୁ ଅବସର ନେବାପରେ କବତିା ଲେଖିବା ଧାରାକୁ ଜାରିରଖିବା ଓ ଅବସର ଜୀବନର ସମୟକୁ ସୁବିନିଯୋଗ କରିବାରେ ଉତ୍ସାହତି କରିଆସୁଛନ୍ତି ଷ୍ଟୋରିମିରର୍ ପରିବାର ।

ଆଗରୁ ମାସକୁ ଚାରିପାଞ୍ଚଟି କବତିା ଲେଖୁଥିଲି । ଏବେ ଲେଖୁଛି ତିରିଶି ରୁ ଅଧିକ । ଏହା ସମ୍ଭବ ହାଇଛି ଷ୍ଟୋରିମିରର୍ ଯୋଗୁ । ଏବେ ମୋ କବିତା ଗୁଡ଼ିକୁ ନେଇ ଷ୍ଟୋରିମିରର୍ ଏକ ଇ ବୁକ୍ ପ୍ରସ୍ତୁତ କରିଥିବାରୁ ମୁଁ ତାଙ୍କ ପାଖରେ କୃତଜ୍ଞ।

About the author :

ସାହିତ୍ୟ ଓ ସୃଜନୀ ର ବିସ୍ତୀର୍ଣ୍ଣ ପଥରେ ଦିଲ୍ଲୀପ କୁମାର ସାହୁ ଜଣେ ନିରଳସ ପାନ୍ଥ । କେବେ କ୍ୟାମେରା ର ଲେନ୍ସ ରେ ସେ କଏଦ କରିଛନ୍ତି ଜୀବନକୁ, ତ ଆଉ କେବେ ଶବ୍ଦର ନାଡି ଧରି ମାରିଛନ୍ତି ଆବେଗର ବେଗ । ଦୂରଦର୍ଶନର ପର୍ଦାରେ ସୃଜନୀର ତୁଳିଧରି ସେ ଆଙ୍କିଛନ୍ତି ଆମ ସଂସ୍କୃତି , ପରମ୍ପରା ଆଉ ଜୀବନର ବିବିଧ ଚିତ୍ର ସବୁ । ମାଟି କୁ ମାଆ ଓ ଗାଆଁ କୁ ସ୍ବର୍ଗ ମଣନ୍ତି ସେ ।ତେଣୁ ଆଜିବି ସହରର ଚିକମିକ୍ କୋଠାରେ ସେ ଖୋଜନ୍ତି ଗାଆଁ ମାଟିଘର ବାସ୍ନା ।

              କଟକ ଜିଲ୍ଲା ଚୌଦାର ନିକଟବର୍ତ୍ତୀ ଶଙ୍କରପୁର ଗ୍ରାମର ଶ୍ରୀ ନାରାୟଣ ସାହୁ ଏବଂଶ୍ରୀମତୀ ଗୋଲାପରାଣୀ ସାହୁଙ୍କ ପ୍ରଥମ ସନ୍ତାନ ଭାବରେ ୧୯୬୦ ମସିହା ଜୁଲାଇ ମାସଆଠ ତାରିଖରେ ତାଙ୍କର ଜନ୍ମ । ବଣ ପାହାଡ ପରିବେଷ୍ଟିତ ତାଙ୍କ ଗ୍ରାମର ଅପୂର୍ବ ସୌନ୍ଦର୍ଯ୍ୟ ତାଙ୍କୁ କବି ଓ କଳାକାର ହେବା ପାଇଁ ପ୍ରେରଣା ଦେଇଛି ।

         ତାଙ୍କର ଚାରିଗୋଟି କବିତା ପୁସ୍ତକ ଓ ଗୋଟିଏ ଗଳ୍ପ ସଙ୍କଳନ ପ୍ରକାଶିତ ହୋଇଛି । ସେଗୁଡ଼ିକ ହେଲା ଆଈ ଓ ଟିଭି,  ଗଛଟିଏ ଗୀତଟିଏ, ତାନି ଖାଏ ପଖାଳ ଓ ରାଜଧାନୀଆ ବାବୁ ଏବଂ ଅସମୟର ସ୍ବର। ତାଙ୍କର ପ୍ରଥମ ପୁସ୍ତକ "ଆଈ ଓ ଟଭି" ଭୁବନେଶ୍ୱର ପୁସ୍ତକ ମେଳାରେ ଶ୍ରେଷ୍ଠ ଶିଶୁ ସାହିତ୍ୟ ପୁରଷ୍କାର ଲାଭ କରିଥିଲା ।

      ୨୦୨୦ ମସିହା ଜୁଲାଇ ୩୧ ତାରିଖରେ ସେ ପ୍ରତ୍ୟକ୍ଷ ଭାବରେ କାର୍ଯ୍ୟ ରୁ ଅବସର ନେଇ ଏବେ ନିଜ ଗାଁ ଶଙ୍କରପୁର ରେ ଅବସ୍ଥାପନ କରୁଛନ୍ତି । ଗାଁ ତାଙ୍କୁ ଭଲଲାଗେ ବୋଲି ଗାଁ ରେ ରହି ଜାରି ରଖିଛନ୍ତି ସାରସ୍ୱତ ସାଧନା । ସେ ସାଧନା କୁ ତ୍ବରାନ୍ବିତ କରିବାରେ ସହାୟକ ହେଉଛି ଷ୍ଟୋରି ମିରର୍ ବୋଲି ସେ ମତ ରଖନ୍ତି।