ତଥାପି ଜୀବନ (Tathapi Jeeban)
| Seller | Price | |
|---|---|---|
| StoryMirror Best price | ₹120 | |
| Amazon | Price not available | |
| Flipkart | Price not available |
About the Book:
'ତଥାପି ଜୀବନ' କବିତା ସଂକଳନ କବିଙ୍କ କର୍ମମୁଖର ଜୀବନର କିଛି ଅନୁଭବ, ଅନୁଭୂତିର କାବ୍ୟ ରୂପ ମାତ୍ର । ଏହାର ପ୍ରତିଟି କବିତାକୁ ନିରେଖି ଦେଖିଲେ ପାଠକେ ତା' ଭିତରେ କବିଙ୍କ ପ୍ରତିବିମ୍ବ, କିଛି ଲୁହ, କିଛି କୋହ, କିଛି ମୋହ, କିଛି ସ୍ନେହର ସମାହାରକୁ ହୃଦବୋଧ କରିପାରିବେ । ସାମଗ୍ରିକ ଭାବେ କହିବାକୁ ଗଲେ ଏ ସବୁର ସମାହାର ଯେ କବିଙ୍କ କବିତା ଗୁଚ୍ଛ 'ତଥାପି ଜୀବନ' - ଏହା ନିର୍ଦ୍ୱନ୍ଦରେ କୁହାଯାଇପାରେ । ଆମ ବିଶ୍ୱାସ ଏହା ନିଶ୍ଚୟ ସମସ୍ତ ସହୃଦୟ ପାଠକଙ୍କ ଗହଣରେ ଜନାଦୃତି ଲାଭ କରିବ ।
About the Author:
ଶ୍ରୀଯୁକ୍ତ ବାମନ ଚନ୍ଦ୍ର ଦୀକ୍ଷିତଙ୍କ ଜନ୍ମଭୂମି ଓଡ଼ିଶା ହେଲେହେଁ ତାଙ୍କର ଅନେକ ସମୟ ବିତିଛି ଓଡ଼ିଶା ବାହାରେ । ୧୯୮୬ ମସିହାରୁ ଏଯାଏଁ ସେ ବିହାର, ମଧ୍ୟପ୍ରଦେଶ, ଛତିଶଗଡ଼ ଆଦି ହିନ୍ଦୀଭାଷି ରାଜ୍ୟରେ ନିଜର କର୍ମମୟ ଜୀବନ ଅତିବାହିତ କରିଆସିଛନ୍ତି । କିନ୍ତୁ ତାଙ୍କ ହୃଦୟରେ ଥିବା ଓଡ଼ିଆ ଭାଷା ଓ ସାହିତ୍ୟ ପ୍ରତି ପ୍ରେମ କେବେ ମଉଳି ଯାଇନାହିଁ; ବରଂ ତାଙ୍କୁ ଆନ୍ଦୋଳିତ କରୁଥିବା ପ୍ରବାସର ପ୍ରତିଟି ମୁହୂର୍ତ୍ତକୁ କଲମ ମୁନରେ ସେ ଉତ୍ତାରି ଦେଇଛନ୍ତି । ଶବ୍ଦରେ ଶବ୍ଦ ଛନ୍ଦି ସେ ରଚି ଚାଲିଛନ୍ତି କେତେ ପ୍ରତିକୃତି, କେତେ କାହାଣୀ ପୁଣି କେତେ ଯେ କବିତା ।
କବି ଦୀକ୍ଷିତ ହିନ୍ଦୀ ଭାଷାଭାଷି ରାଜ୍ୟରେ ଅନେକ ସମୟ ଅତିବାହିତ କରିଥିବାରୁ ହିନ୍ଦୀ ଭାଷାରେ ମଧ୍ୟ ତାଙ୍କ ଅନେକ କବିତା ସୃଷ୍ଟି ହୋଇ ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହୋଇ ତାଙ୍କୁ ଅନେକ ସୁଖ୍ୟାତି ଆଣିଦେଇଛି । ଏହା ସହ "ମେରେ ଅହସାସୋଂ କା.." ଶୀର୍ଷକ ଏକ କାବ୍ୟ ସଂଗ୍ରହ ମଧ୍ୟ ପ୍ରକାଶିତ ହୋଇ ବିଶେଷ ଆଦୃତି ଲାଭ କରିଛି । ସେ ମାତ୍ର ବାର ବର୍ଷ ବୟସରୁ ଭଜନ, ଜଣାଣ, ଲଘୁକଥା ଓ କବିତା ଲିଖନରେ ମନୋନିବେଶ କରିଥିଲେ । ସେଥି ମଧ୍ୟରୁ ଅନେକ ଭଜନ, ଜଣାଣ ଆଜି ତାଙ୍କ ଜନ୍ମମାଟିରେ ଭଜନ ସନ୍ଧ୍ୟାରେ ଗୁଞ୍ଜରିତ ହେବାର ସୌଭାଗ୍ୟ ଅର୍ଜନ କରିଛି । ସେ ଅଧୁନା ଦକ୍ଷିଣ-ପୂର୍ବ ମଧ୍ୟ ରେଲୱେର ବିଳାସପୁର ମଣ୍ଡଳରେ ମୁଖ୍ୟ ନିୟନ୍ତ୍ରକ ଭାବେ କାର୍ଯ୍ୟରତ ।
