କିଛି ସ୍ମୃତି କିଛି ଅନୁଭୂତି (Kichhi Smruti Kichhi Anubhuti)
| Seller | Price | |
|---|---|---|
| StoryMirror Best price | ₹120 | |
| Amazon | Price not available | |
| Flipkart | Price not available |
About Book:
“କିଛି ସ୍ମୃତି କିଛି ଅନୁଭୂତି” କବିଙ୍କର ପ୍ରଥମ କବିତା ସଙ୍କଳନ ମାତ୍ର । ସୁଖ-ଦୁଃଖ ପ୍ରେମ-ବିରହ, ହସ-କାନ୍ଦ, ସାମାଜିକ ଅଭାବ କଷଣ, ସଂସ୍କୃତି ପରମ୍ପରା ପର୍ବପର୍ବାଣୀ ଓ ପ୍ରକୃତିର ସୁରମ୍ୟ ରୂପଚର୍ଯ୍ୟାକୁ ଅତି ନିଖୁଣ ଭାଵରେ ଉପସ୍ଥାପନା କରିଛନ୍ତି । ଭାବନାର ଅନ୍ତରାଳେ ଛପି ରହିଥିବା ଭଲ-ମନ୍ଦ, ସୁଖ-ଦୁଃଖ, ହସ-ଖୁସି ଆଉ ପ୍ରେମ-ପ୍ରଣୟ ଉପଲବ୍ଧିର ନିଚ୍ଛକ ଚିତ୍ର ଆଙ୍କିବାକୁ କବି ସଦାନନ୍ଦ ଯଥାସାଧ୍ୟ ଚେଷ୍ଟା କରିଛନ୍ତି ଲେଖନୀର କୁହୁକ ସ୍ପର୍ଶରେ । ଏ ସବୁ ସାମାଜିକ ଭାବ ଉଦ୍ଦୀପକ ଭିନ୍ନତାର ଚିତ୍ରକୁ କବି ଶବ୍ଦ ରୂପକ ଅଳଙ୍କାରରେ ସଜାଇବାକୁ ଯାଇ କବିତା ସଙ୍କଳନର ସୁମଧୁର ନାମ “ କିଛି ସ୍ମୃତି କିଛି ଅନୁଭୂତି ” ରଖିଛନ୍ତି ମାତ୍ର । ଏହି ସୁରମ୍ୟ କବିତା ସଙ୍କଳନଟି କବିଙ୍କର ପ୍ରଥମ ଅବଦାନ । ଏହା କବିଙ୍କର ବଡ଼ ଉପଲବ୍ଧିର କୁହୁକ ଚିତ୍ର କହିଲେ ଅତ୍ୟୁକ୍ତି ହେଵ ନାହିଁ । ଉକ୍ତ କବିତା ସଙ୍କଳନଟି ଜନାଦୃତ ହୋଇ ପାଠକୀୟ ଆଦୃତି ଲାଭ କଲେ କବିଙ୍କ ଶ୍ରମ ସାର୍ଥକ ହେଵ ।
About the Author:
କବି ସଦାନନ୍ଦ ସାହୁ ୧୯୭୬ ମସିହା ମଈ ମାସ ୩୧ ତାରିଖ ଦିନ ଜନ୍ମ ଲାଭ କରିଥିଲେ । କବିଙ୍କର ଜନ୍ମ ମାଟି କଟକ ଜିଲ୍ଲା ଅନ୍ତର୍ଗତ ଆଠ ଗଡ ଉପଖଣ୍ଡ ଧୁରୁଷିଆ ଗ୍ରାମରେ । ପିତା ଗିରିଧାରୀ ସାହୁ ମାତା ଦୁଃଖିନୀ ସାହୁଙ୍କର ସର୍ବ କନିଷ୍ଠ ପୁତ୍ର କବି ସଦାନନ୍ଦ କୋଳ ମଣ୍ଡନ କରିଥିଲେ । ପିଲାଟି ଦିନରୁ ଓଡ଼ିଆ ଭାଷା ସାହିତ୍ୟ ପ୍ରତି ତାଙ୍କର ଅହେତୁକ ଭଲ ପାଇବା ପ୍ରକଟିତ ହୋଇଥିଲା । ସେଇ ଭଲ ପାଇବାକୁ ପାଥେୟ କରି କବି ଅଦ୍ୟାବଧି କବିତା ଲେଖିବା ଜାରି ରଖିଛନ୍ତି । ବିଭିନ୍ନ ପତ୍ର ପତ୍ରିକା ଓ ସାମାଜିକ ଗଣମାଧ୍ୟମରେ କବି ଅଧୁନା ସକ୍ରିୟ ଅଛନ୍ତି । ବିଭିନ୍ନ ସାହିତ୍ୟ ଅନୁଷ୍ଠାନରୁ ସାହିତ୍ୟ ସାଧନ ତଥା ଉଲ୍ଲେଖନୀୟ ଭୂମିକା ପାଇଁ ଅନେକ ପ୍ରଶଂସା ସାଉଁଟିବା ସହ ସାରସ୍ଵତ ସମ୍ମାନର ଅଧିକାରୀ ହୋଇ ପାରିଛନ୍ତି । ପେଶାରେ ଜଣେ କାରା କର୍ମଚାରୀ ହୋଇଥିଲେ ମଧ୍ୟ ନିଶାରେ ଜଣେ ସାହିତ୍ୟ ସାଧକ ଭାବରେ ଲେଖନୀର କୁହୁକ ସ୍ପର୍ଶରେ ଅନେକ ସୁମଧୁର କବିତାର ପାଣ୍ଡୁଲିପିକୁ ମହଜୁଦ ରଖିଛନ୍ତି ନିଜ ସୃଜନର ମହୁଫେଣାଟିଏ ତିଆରି କରି ।
