ପଦଟିଏ ତୋ ନାଁରେ ପ୍ରିୟା (Pada Tiye To Na Re Priya)

About the book- ପ୍ରେମ ଶାଶ୍ଵତ । ପ୍ରେମ ପବିତ୍ର । ପ୍ରେମ ପ୍ରାକୃତ । ପ୍ରେମ ପୁଣି ଅପ୍ରାକୃତ । ପ୍ରେମ ପରା । ପ୍ରେମ ଅପରା । ପ୍ରେମ ପୁଣି ଚିରନ୍ତନ ।କେତେବେଳେ ପ୍ରେମିକଟିଏ ପ୍ରକୃତି ଭିତରେ ପ୍ରେମିକାକୁ ଖୋଜେ ତ ପୁଣି କେତେବେଳେ ପ୍ରେମିକା ଭିତରେ ପ୍ରକୃତିକୁ ଖୋଜେ । ଆଉ କେବେ କୃତ୍ରିମ ଦୁନିଆର ରଙ୍ଗମଞ୍ଚ ମଧ୍ୟରେ ପ୍ରେମର ନୂଆ ଠିକଣା ଖୋଜୁଥାଏ । 

ଜହ୍ନ, ତାରା, ନଦୀ, ସମୁଦ୍ର, ବଣ, ଜଙ୍ଗଲ, ଫୁଲ, ପକ୍ଷୀଙ୍କ, ମେଳରେ ପ୍ରେମ ଉପନ୍ୟାସର ଚରିତ୍ର ଗୁଡିକୁ ଏକାଠି କରୁ କରୁ ପ୍ରେମିକ ପହଞ୍ଚିଯାଏ ଆଧୁନିକ ଦୁନିଆର ଆବହାୱାମୟ ସୁଉଚ୍ଚ ଅଟ୍ଟାଳିକା, ପାର୍କ, ହୋଟେଲ, ଖେଳ ପଡିଆ, ନଦୀ ବ୍ରିଜ, କଲେଜ ବାରଣ୍ଡା ପର୍ଯ୍ୟନ୍ତ । ପ୍ରେମ ସବୁଠି ଥାଏ । ପ୍ରେମିକ ପ୍ରେମିକା ସବୁଠି ଥାଆନ୍ତି । 

ପ୍ରିୟତମର ପଦଟିଏ ମିଠା କଥାକୁ ଜଗି ବସେ ପ୍ରିୟା । କବିତାର ପଂକ୍ତିଟିଏରେ ମତୁଆଲା ହୁଏ ସେ । ଏମିତି କିଛି ଭାବନାର ସମ୍ଭାର ନେଇ ପାଠକ ପାଠିକାମାନଙ୍କୁ ସମର୍ପି ଦେଉଛି “ପଦଟିଏ ତୋ ନାଁରେ ପ୍ରିୟା” । ଆଶା ପ୍ରେମର ଆବେଗରେ ଆଦରି ନେବେ ।   

About the Author- ମୁଁ କିଏ ?

ଜାଣେ ନା ।

ମୁଁ କବିଟିଏ ? ମୁଁ ଲେଖକଟିଏ? ମୁଁ ଶିକ୍ଷକଟିଏ ? ମୁଁ ପ୍ରେମିକଟିଏ ? ମୁଁ ସ୍ରଷ୍ଟାଙ୍କ ସୃଷ୍ଟିକୁ ଭଲ ପାଉଥିବା ନିଛକ ମଣିଷଟିଏ ? ମୁଁ

ଚାରିପାଖରେ ହସର ଫୁଲ ଫୁଟାଇବା ପାଇଁ ନିତି ମଞ୍ଜି ବୁଣୁଥିବା ମାଳିଟିଏ ? ମୁଁ ଅ ଆ କ ଖ ରୁ ଓଂକାର ପର୍ଯ୍ୟନ୍ତ ଦୀର୍ଘ ପଥର

ଯାତ୍ରୀଟିଏ ? ସମାଜର ମଙ୍ଗୁଆଳଟିଏ ?

ଜାଣେ ନା !!

ବୋଧହୁଏ ଏ ସବୁ ପ୍ରଶ୍ନର ଉତ୍ତର ପାଇଁ ଏ ଦିଗ ସେ ଦିଗ ଧାଇଁ ବୁଲୁଥିବା ଜିଜ୍ଞାସୁଟିଏ ମୁଁ ।

ମୋର କାବ୍ୟିକ ଜୀବନର ମୂଳଦୁଆ ପକାଇଥିବା ଦୁଇଜଣ , ମୋ ଧର୍ମପତ୍ନୀ, ଜ୍ୟୋତ୍ସ୍ନା ଓ ମୋ ଗୁରୁ ତୀର୍ଥାନନ୍ଦ ମିଶ୍ରଙ୍କୁ

ଅଶେଷ କୃତଜ୍ଞତା ।

ସମସ୍ତ ପାଠକ, ପ୍ରଶଂସକ ଓ ସମାଲୋଚକଙ୍କୁ ଶ୍ରଦ୍ଧା ଓ ସମ୍ମାନ ଜଣାଉଛି ।