ନୀଳ ଗଗନର ପଥିକ (Nila Gaganara Pathika)

About Book:

“ନୀଳ ଗଗନର ପଥିକ " ତାଙ୍କର ଅନନ୍ୟ କୃତି । ଏହା ଏକ ରସାଳ ଓ ବର୍ଣ୍ଣନାଧର୍ମୀ ଗଳ୍ପ ସମ୍ଭାର , ଯାହାର ପଠନ ଉପନ୍ୟାସର ପରିକଳ୍ପନା ମନ ମଧ୍ୟରେ ଗଢ଼ି ତୋଳି ଥାଏ । ଏଥିରେ ଗ୍ରାମ୍ୟ ଚିତ୍ର ସୁସ୍ପଷ୍ଟ ଓ ମନୋରମ ପ୍ରକୃତି ବର୍ଣ୍ଣନା ଅତ୍ୟନ୍ତ ଭାସ୍ଵର । ଏଥିରେ ମଧ୍ୟ ଚରିତ୍ର ଚିତ୍ରଣରେ ନିଖୁଣତା ଓ କଥନ ଭଙ୍ଗୀରେ ନିଆରାପଣ ସଂଗୁପ୍ତ ହୋଇ ପାରିଛି । ଗଳ୍ପ ଗୁଡ଼ିକରେ ଠାଏଁ ଠାଏଁ ଗୀତିମୟତା ଉଛୁଳି ଉଠିଛି । ଏଥିରେ ପାଠକୀୟ ଆବେଦନ ମଧ୍ୟ ରକ୍ଷା ହୋଇପାରିଛି । ଏହା ନିଶ୍ଚିତ ଭାବେ ସୁଖ ପାଠ୍ୟ ହେବ । ଯାହା ପ୍ରତ୍ୟେକ ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟତ୍ରୀ, ପାଠକ ପାଠିକା ପାଇଁ ଏକ ଉପାଦେୟ ପୁସ୍ତକ । ଏହି ପୁସ୍ତକ ପାଠକୀୟ ଆଦୃତି ଲାଭ କରୁ । ଶ୍ରୀଯୁକ୍ତ ସେଠୀ ଆହୁରି ଅନେକ ପୁସ୍ତକ ରଚନା କରି ଓଡ଼ିଆ ଭାଷା ସାହିତ୍ୟକୁ ସମୃଦ୍ଧ କରନ୍ତୁ, ଏହା ହିଁ ମଙ୍ଗଳମୟ ମହାପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା ।

About Author: 

କବି ସତ୍ୟ ପ୍ରକାଶ ସେଠୀ ଜଣେ ଭିନ୍ନ ମଣିଷ । ସେ ଏକାଧାରରେ ଜଣେ ଆଦର୍ଶ ସଂଗଠକ, ସମାଜସେବୀ, କବି, ଗାଳ୍ପିକ, ଔପନ୍ୟାସିକ, ପ୍ରାବନ୍ଧିକ, ଗବେଷକ, ଆତ୍ମ ଜୀବନୀ ଓ ଜୀବନୀ ଚରିତକାର, ସ୍ନେହୀ, ପରୋପକାରୀ, ଅନୁଷ୍ଠାନପ୍ରାଣା ଓ ସଂସ୍କୃତିପ୍ରେମୀ, ସମୟାନୁବର୍ତ୍ତୀ, କର୍ତ୍ତବ୍ୟନିଷ୍ଠ ସରକାରୀ କର୍ମଚାରୀ, ବହୁଭାଷୀ, ଅଭିନେତା, ନାଟ୍ୟକାର, ସଙ୍ଗୀତଜ୍ଞ, ପିତୃମାତୃ ପ୍ରିୟ, ସନ୍ତାନ ବତ୍ସଳ ତଥା ଉଦାରବାଦୀ ମଣିଷ । ଭଦ୍ରକ ଜିଲ୍ଲାସ୍ଥ ଭଣ୍ଡାରିପୋଖରୀ ଅନ୍ତର୍ଗତ ରାଣୀପଡ଼ା ଗ୍ରାମରେ ୧୯୬୮ ମସିହା ଜାନୁଆରୀ ୩୧ ତାରିଖରେ ଏକ ବ୍ରାହ୍ମ ମୁହୂର୍ତ୍ତରେ ତାଙ୍କର ଜନ୍ମ। ପିତା ପୂର୍ବତନ ବିଧାୟକ ଶ୍ରୀଯୁକ୍ତ ପୁରୁଷୋତ୍ତମ ସେଠୀ ଓ ମାତା ଲକ୍ଷ୍ମୀପ୍ରିୟା ସେଠୀ । ଏହି ଅନନ୍ୟ ପ୍ରତିଭାଙ୍କ ନିକଟରେ ରହିଛି ଅନେକ ଗୁଣ । ସାହିତ୍ୟକୁ ଭଲ ପାଇବା ଓ ଭାଷାକୁ ସମ୍ମାନ ଦେବା ତାଙ୍କ ଜୀବନର ବ୍ରତ । ପତ୍ର ପତ୍ରିକା ଅଧ୍ୟୟନ, ସମାଜସେବା, ଗଳ୍ପ, ପ୍ରବନ୍ଧ, କବିତା ଲିଖନ, ବାଡ଼ି ବଗିଚାରେ ବୃକ୍ଷ ରୋପଣ, ଅସହାୟକୁ ସହାୟତା ହିଁ ତାଙ୍କ ଜୀବନର ରୁଚି । ” ମାନବ ସେବା ହିଁ ମାଧବ ସେବା “ - ତାଙ୍କର ଲକ୍ଷ୍ୟ । ବିଦ୍ୟାଳୟ ଓ ବିଶ୍ଵବିଦ୍ୟାଳୟ ଠାରୁ ଆରମ୍ଭ କରି ବହୁ ଜାତୀୟ ଓ ଆନ୍ତର୍ଜାତୀୟ ସ୍ତରର ସାରସ୍ଵତ ଅନୁଷ୍ଠାନରୁ ସେ ପାଇଛନ୍ତି ଅନେକ ସ୍ଵୀକୃତି ଓ ସମ୍ମାନ । ଓଡିଶା କଳା ଓ ଗବେଷଣା ପରିଷଦ ତାଙ୍କୁ ସାହିତ୍ୟ ସାରଥି ଉପାଧିରେ ଭୂଷିତ କରିଥିବା ବେଳେ ସମ୍ପ୍ରତି ଷ୍ଟୋରିମିରର୍ ତାଙ୍କୁ ବ୍ରିଗେଡ଼ିଅର ଉପାଧି ପ୍ରଦାନ କରିଛି । " ଆତ୍ମା ଯେଉଁଠି କଥା କହେ ", " ଗାଁରୁ ଫେରିଛି ଗାଁ ହଜିଛି ", " ଫୁସିଆ ମାଆ ", " Capsule Course of English Grammar ", ଆଦି ତାଙ୍କ ରଚିତ ପୁସ୍ତକ ପ୍ରକାଶିତ ହୋଇ ପାଠକୀୟ ମହଲରେ ବହୁ ଆଦୃତି ଲାଭ କରିଛି।