About The Book

ପରିପୂର୍ଣ୍ଣା ବହିରେ ସ୍ଥାନିତ ହୋଇଛି ସମୁଦାୟ ତେଇଶିଟି ଗଳ୍ପ । ଆମ ସମାଜରେ ବେଳେବେଳେ ଏମିତି ଘଟଣା ସବୁ ଘଟିଥାଏ ଯାହା ସାଧାରଣ ଲୋକଙ୍କୁ ସ୍ତମ୍ଭୀଭୂତ କରିଦିଏ, କେବେ ଆଶା କରିନଥିବା ଦିଗରୁ ଦୁର୍ଘଟଣାଟି ଘଟିଯାଏ, ପାଦ ତଳୁ ଭୂମି ଖସି ଯାଏ, ଆଉ ପୁଣି କେବେ କାହାର ଅଯାଚିତ ଦୟାରେ ମଣିଷ ନୂଆ ଜୀବନ ପାଏ । କେବେ ସେଇ ମଣିଷ ଈଶ୍ବର ହୋଇ ଠିଆ ହୁଏ ତ କେବେ ଦାନବ ହୋଇ । ସେଇମିତି କିଛି ଚରିତ୍ର ଏବଂ ଘଟଣାକୁ ନେଇ ଉପସ୍ଥିତ ହୋଇଛି ପରିପୂର୍ଣ୍ଣା । ପରିପୂର୍ଣ୍ଣା ବହିଟିରେ ସ୍ଥାନିତ ସମସ୍ତ ଗଳ୍ପ ଗୁଡିକ ଆମ ସମାଜର ସାମ୍ପ୍ରତିକ ସମୟର ବିଭିନ୍ନ ଘଟଣାବଳୀ ଉପରେ ଆଧାରିତ । ଗଳ୍ପ ଗୁଡିକ ମୁଖ୍ୟତଃ ନାରୀ ସମସ୍ୟା, ସମାଜର ଅନ୍ୟାନ୍ୟ ଦୁର୍ବଳ ବର୍ଗର ବ୍ୟକ୍ତି ବିଶେଷ ଯଥା ତୃତୀୟ ଲିଙ୍ଗ, ନିଜର ବୟସ୍କ ଅଭିଭାବକଙ୍କ ପ୍ରତି ସନ୍ତାନ କର୍ତ୍ତୃକ ଅବହେଳା, ଜାତି ଗତ, ଧର୍ମ ଗତ ଅସହିଷ୍ଣୁତା, ଶିଶୁ ଆଉ ଯୁବ ପିଢି ଉପରେ ମାଦକ ଦ୍ରବ୍ୟର କୁପ୍ରଭାବ, ଅନ୍ଧବିଶ୍ୱାସ, ଆଧୁନିକ ଯୁଗରେ ସୋସିଆଲ୍ ମିଡିଆର ଦୁରୁପଯୋଗ ଇତ୍ୟାଦି ସମାଜର ପ୍ରମୁଖ ସମସ୍ୟା ଉପରେ ଆଲୋକପାତ କରି ସାମାଜିକ ସଚେତନତା ସୃଷ୍ଟି କରିବା ଲେଖିକାଙ୍କର ମୁଖ୍ୟ ଉଦ୍ଦେଶ୍ୟ । " ମୋ ଗଳ୍ପ ଗୁଡିକୁ ପଢି ଯଦି ଜଣେ ବି କେହି ସେଥିରେ ଅନୁପ୍ରାଣିତ ହୋଇ ଭୁଲ୍ ବାଟ ଛାଡି ନିଜକୁ ସଂଶୋଧନ କରି ଆଉଥରେ ନୂଆ କରି ଜୀବନ ଆରମ୍ଭ କରିବ ତେବେ ମୋ ଲେଖନୀ ସାର୍ଥକ ହୋଇଛି ବୋଲି ଭାବିବି । " - ବୋଲି କୁହନ୍ତି ଲେଖିକା ।