About Book:

‘ଏକୋଇଶି କାହାଣୀ’ ଗଳ୍ପ ସଂକଳନ ବହିଟି ଶ୍ରୀଯୁକ୍ତ ପ୍ରଶାନ୍ତ କୁମାର ହୋତାଙ୍କ ଦ୍ୱାରା ରଚିତ ୨୧ଟି ଚମତ୍କାର ଗଳ୍ପର ଏକ ସମାହାର । ଏହି ସଂକଲନରେ ସ୍ଥାନିତ ଗଳ୍ପ ସବୁରେ ଲେଖକ ବିଭିନ୍ନ ଦୃଷ୍ଟିକୋଣରୁ ବିଷୟ ବସ୍ତୁକୁ ସାଉଁଟି ବୋଧଗମ୍ୟ ହେଲା ଭଳି ନିଜସ୍ୱ ଚିନ୍ତାଧାରାର ଉପସ୍ଥାପନ କରିଛନ୍ତି । ସଂକଳନଟିରେ ସାଂପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି ମାନସିକ, ସାମାଜିକ ଓ ପରିବେଶ ସମ୍ବନ୍ଧୀୟ, ମଧୁର ପ୍ରେମ କାହାଣୀ, ବିଭିନ୍ନ ଅନୁଭୂତି, ଦେଶପ୍ରେମ ଓ ଉପଦେଶମୂଳକ ଗଳ୍ପ ସହ ଭ୍ରମଣ, ଐତିହାସିକ ଓ ସଚେତନତା ସୃଷ୍ଟି କଲା ଭଳି ବିଭିନ୍ନ ଗଳ୍ପ ଗୁଡ଼ିକ ସଂପର୍କରେ ଯେଉଁ ଗଭୀର ଅନୁଶୀଳନର ବାର୍ତ୍ତା ପ୍ରଦାନ କରିଛନ୍ତି ଏହା ଜନମାନସକୁ ଅବଶ୍ୟ ଆଦୃତ କରିବ ।

ପ୍ରତ୍ୟେକ ଗଳ୍ପର ଏକ ଭିନ୍ନ ସ୍ୱାଦ ରହିଛି । ସମସାମୟିକ ସମାଜରେ ଘଟୁଥିବା ଘଟଣାବଳୀକୁ ନେଇ ମନକୁ ସ୍ପର୍ଶ କରୁଥିବା ଭାଷା ଓ ଶୈଳୀରେ ଲେଖାଯାଇଥିବା ଏହି ‘ଏକୋଇଶି କାହାଣୀ’ ଗଳ୍ପ ସଂକଳନ ପୁସ୍ତକଟି ପାଠକପାଠିକାମାନଙ୍କ ଦ୍ୱାରା ଆଦୃତ ହେଲେ ଶ୍ରମ ସାର୍ଥକ ହେବ । ତା’ ସହ ପରବର୍ତ୍ତୀ ପୁସ୍ତକ ରଚନା ପାଇଁ ପ୍ରେରଣା ମଧ୍ୟ ମିଳିବ ଏବଂ ସମାଜକୁ ସଚେତନତାର ବାର୍ତ୍ତା ଦେଇ ଜନାଦୃତ ହୋଇପାରିବ ବୋଲି ଗାଳ୍ପିକ ଦୃଢ଼ ବିଶ୍ୱାସ ପ୍ରକଟ କରନ୍ତି ।

About the Author: 

ଶ୍ରୀଯୁକ୍ତ ପ୍ରଶାନ୍ତ କୁମାର ହୋତା ଏକାଧାରରେ ଜଣେ କବି ଓ ଗାଳ୍ପିକ । ବୃତ୍ତିରେ ସେ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ଶାଖା ପରିଚାଳକ ଭାବେ କାର୍ଯ୍ୟରତ । କିନ୍ତୁ ତାଙ୍କ ନିଶା ହେଉଛି ସାହିତ୍ୟ ସାଧନା । ଦୀର୍ଘ ଦିନଧରି ସେ ଗଳ୍ପ ଓ କବିତା ଲିଖନରେ ବ୍ରତୀ ରହି ନିଜର ଚମତ୍କାର ଓ ଅଭିନବ ସୃଜନ ଦକ୍ଷତା ଦ୍ବାରା ପାଠକମହଲରେ ଅଦରର ପତ୍ର ହୋଇପାରିଛନ୍ତି । ତାଙ୍କର ଅନେକ ଲେଖା ବିଭିନ୍ନ ପତ୍ରପତ୍ରିକାରେ ପ୍ରକାଶିତ ହୋଇ ପାଠକୀୟ ଅଦୃତି ଲାଭ କରିଛି । ସୂଚନାଯୋଗ୍ୟ ଯେ, ଉକ୍ତ ଗଳ୍ପ ସଂକଳନ ଗାଳ୍ପିକ ଶ୍ରୀଯୁକ୍ତ ହୋତାଙ୍କର ପ୍ରଥମ ପ୍ରକାଶିତ ସାରସ୍ଵତ ଅର୍ଘ୍ୟ ।